Posts Tagged ‘உள்ளூர் சினிமா’

சமீபத்தில் வெளியான காதலில் சொதப்புவது எப்படி? படத்தை பார்த்து நண்பர்களிடம் அந்த படத்தை பற்றி விவாதித்து கொண்டிருக்கையில் ஒரு நண்பர் சொன்னார்  இதே  GENEREல  ஹிந்தியில் PYAR KA PANCHNAMAனு படம்  வந்திருக்கு பார்த்தீங்கலான்னு கேட்க உடனே பார்க்கணும்னு பிரியப்பட்டு பார்த்தேன்.

இந்த படத்தின் தலைப்பே வித்தியாசமானது பஞ்சநாமா-ங்கற வார்த்தைக்கு    ஹிந்தியில் POST MORTEM REPORTனு அர்த்தமாம், PYAR KA PUNCHNAMA னா POST MORTEM OF LOVE, வித்யசமா தானே இருக்கு… காதலில் சொதப்புவது எப்படி டாக்குமெண்டரி ஸ்டைல்ல எடுக்கப்பட்ட ஒரு காதல் கதை என்பது படம் பார்த்தவர்களுக்கு நன்றாக தெரியும், இந்தப்படம் ரொமாண்டிக் காமெடி வகை.  IT நிறுவனத்தில் பணிபுரியும் மூன்று இளம் வாலிபர்கள் காதல் வலையில் சிக்குண்டு எப்படி தத்தளிக்கிறார்கள் என்பதே கதை. 

ரஜத், நிஷாந்த(லிக்கியுட்), சௌத்ரி என்ற மூன்று நண்பர்கள் ஒரே வீட்டில் தங்கி பணிபுரிகிறார்கள். ரஜத், நேஹா என்ற பெண்ணுடன் காதல் கொள்கிறான், அவளுடன் LIVING TOGETHER முறையில் குடும்பம் நடத்துகிறான், நாள் போகப்போக அந்த உறவுமுறை ரஜத்தை துன்பத்தில் தள்ளுகிறது. நிஷாந்த தன்னுடன் பணிபுரியும் சாரு என்ற பெண்ணுடன் காதல் கொள்கிறான், அவளுக்காக அவளுடைய பணியை இவனே பலமுறை செய்து தருகிறான், ஏறக்குறைய அவளுடைய காலிலேயே விழுந்து கிடக்கிறான் இதில் முக்கியமான விஷயம் என்னவென்றால் அவளுக்கு ஏற்கனவே ஒரு BOY FREIND இருப்பது தெரிந்தும் இவனுடைய காதலை அவள் ஏற்காத பிறகும் நட்பு என்ற போர்வையில் அவளை காதல் கொள்கிறான், இந்த விஷயம் தெரிந்தும் அவள் இவனை பயன்படுத்திக் கொள்கிறாள். அவளுடைய வேலைகளை செய்வது, இரவில் துணையாக வீடு வரை செல்வது, அவளுக்கு BEAUTY PARLOUR செலவு உட்பட இவனே செய்கிறான். சௌத்ரி, ரியா என்ற பெண்ணை காதல் கொள்கிறான் அவள் ஏற்கனவே LIVING TOGETHER RELATIONSHIPல் ஒருவனோடு 5 வருடம் இருந்தவள் அவர்களுக்குள் உள்ள இடைவெளியில் இவன்பால் மையல் கொள்கிறாள். சௌத்ரி, ரியா பழைய காதலனை மறந்துவிட்டாள் என்று நினைத்து அவளுடன் பழகுகிறான் ஆனால் நாட்பட நாட்பட ரியா இன்னும் பழைய காதலனோடு நாட்களை கழிப்பது தெரிய வருகிறது. இப்படி மூன்று பேர்களும் காதலின் பிடியில் சிக்கி பின் போதும்டா சாமின்னு அந்த பெண்களை விட்டு வருவதே மீதி கதை.

இந்தப் படத்தை பொறுத்த வரையில் காதல் என்பதே ஆண்களை கையகப்படுத்த பெண்கள் கையாளும் ஒரு ஆயுதமாக காண்பிக்கப்பட்டிருக்கிறது. அன்றாட தேவைகளைப் பூர்த்தி செய்ய, ஆசைகளை நிறைவேற்றிக் கொள்ள(செக்ஸ் உட்பட), தனக்கு துணையாய் ஒரு செக்யூரிட்டி வேலை பார்க்க, இப்படி நீண்டு கொண்டே போகிறது லிஸ்ட்.

படத்தின் ஒரு காட்சியில் மூன்று வாலிபர்களில் ஒருவன், இந்த பெண்கள் ஒரு காதல் தோல்விக்குப் பின் வெகு எளிதாக இன்னொருவனை கவிழ்த்து விடுகிறார்கள். நம்ம பசங்களுக்குள்ள ஒரு ஒற்றுமையே இல்லை, இப்படி பட்ட பெண்களை 2 வருடங்களுக்கு எந்த ஆணும் காதலிக்க கூடாது என்ற சட்டம் வரவேண்டும் என்ற வசனம் நகைச்சுவையாக இருந்தாலும் ஆண்களின் இயலாமையை நினைத்தால் கஷ்டமாகத் தான் இருக்கிறது. (பொதுவாக எதிர்பாலர் மேல் ஒரு மோகம் எல்லோருக்கும் இருக்கும், இது பெண்களைக் காட்டிலும் ஆண்களுக்கே அதிகமாக இருக்கிறது; காரணம், பெண்கள் சுலபமாக தனக்கு துணையை தேர்ந்து எடுக்க முடிகிறது. ஆனால் ஆண்கள் நிறைய போராட்டத்திற்கு பின்னே ஒரு பெண்ணின் மனதில் இடம் பெற முடிகிறது).

பெண்களை காதலிக்க ஆரம்பிக்கும் போது அவளுக்காக காத்திருப்பதும், ஏவல் பணி புரிவதும் சுகமாக இருக்க… நாள் போகப்போக காதலியை தவிர்ப்பதும் அவளை விட்டு தனியாக பிக்னிக் போக நினைத்து பின் அவரவர் தத்தம் காதலிகளோடு  கோவா சென்று அங்கே அவதிப்படுவதும் நல்ல காட்சி அமைப்பு. நல்ல திரைக்கதை, அருமையான கதாபாத்திரங்கள், விழுந்து விழுந்து சிரிப்பீர்கள் சில காட்சிகளில், பாடல்களும் நன்றாகவே உள்ளது.

மொத்தத்தில் இந்தக் கதை பெண்களுக்கு கண்டிப்பாக பிடிக்காது காரணம் பெண்கள் ஆண்களை அவ்வளவு துன்புறுத்துவது போல கதை உள்ளது. அரக்க குணம் கொண்டவள் பெண் என்பது போல சித்தரிக்கப்பட்டிருகிறது ஆண்களுக்கும் இந்தப் படம் பிடிக்க வாய்ப்பு இல்லை காரணம் இந்தப் படத்தில் வரும் நாயகர்கள் பெண்களின் காலடியில் விழுந்து கிடப்பது போலவே படம் முழுதும் உள்ளது. ஆண்மைத்தனம் என்று சொல்லக்கூடிய ஒரு விசயமும் இல்லை படத்தில்.

படத்தில் எனக்கு பிடித்த மிக முக்கியமான காட்சி உங்கள் பார்வைக்கு

Advertisements

ஸ்பைடர்மேன் பட வரிசையில் மற்றுமொரு புதிய வருகை தி அமேசிங் ஸ்பைடர்மேன் நான்காம் பாகமாக வரும் இந்தப் படம் ஜூலை மாதம் திரைக்கு வரவிருக்கிறது. சோனி நிறுவனம் படத்துக்கான விளம்பரமாக சில போஸ்டர்களை வெளியிட்டிருக்கிறது.

 

 

சோகத்தில் எல்லாம் பெரிய சோகம் புத்திரசோகம் என்று நமக்கு ராமாயணம் முதற்கொண்டு பல நூல்கள் எடுத்து இயம்பி இருக்கின்றன, அதை மூலக்கருவாக வைத்து எடுத்த படமே தெய்வத் திருமகள். படம் வருவதற்கு முன்னமே படத்தின் தலைப்பினால்   சர்ச்சை,  படத்தின் கதைதிருடப்பட்டது என்று மற்றொரு சாரார், படத்தை பார்த்து வீடு திரும்புபவர்கள் அழுது  வடிந்து திரும்புகின்றனர் என்ற அளவிற்கு உணர்சிகளை தூண்டும் படியாக உள்ளது படம் என்று  நண்பர்களின்  விமர்சனம்,  சரி அப்படி என்னதான் இருக்கிறது இந்த படத்தில்….

படத்தின் கதை ஒரு தந்தையிடம் இருந்து  பிரிக்கப்பட்ட குழந்தையை  சட்ட பூர்வமாக  அவர் மீட்டு எடுப்பதே. திரைக்கதையில்  பெரிய  திருப்பங்களோ, வீர தீர செயல்களோ,  புது தொழில் நுட்ப யுத்திகளோ   துளியும் இல்லை. அப்புறம் எதற்கு இந்த திரைப்படத்திற்கு அப்படி ஒரு வரவேற்பு. ஆங்கிலத்தில் HUMAN VALUES என்று சொல்வார்கள் அந்த விஷயம் மட்டுமே இந்த படத்தின் மூலக்கருவாக வைத்து இயக்குனர் களம் இறங்கி இருக்கிறார். ஒரு தந்தை, அவர் குழந்தை, அவர்களின் பாசம், பிரிவின் துயரம், அந்த இருவரை இந்த சமூகமும் அவரது சுற்றாரும் பார்க்கும் பார்வைகளின் கோர்வை மட்டுமே இந்த படம்.

 வழக்கமாக தமிழ் திரைப்படங்களில் செண்டிமெண்ட் காட்சிகள் நீளமான வசனங்களையும், அழுகை காட்சிகளையும், கொண்டதாக இருக்கும். இந்த படத்தில் நடித்தவர்கள் அழுதோ, இல்லை நீளமான வசங்களை பேசியோ நமது பொறுமையை சோதிக்கவே இல்லை, நமக்கு சிவாஜிகளையும், மனோரமாக்களையும் இந்த படம் ஞாபகப்படுத்தவே இல்லை இருந்தும் நல்லதொரு செண்டிமெண்ட் படம் என்றே கூற வேண்டும். 

விக்ரமின் நடிப்பை நாம் ஏற்கனவே பார்த்திருக்கிறோம், இருப்பினும் இந்த படத்தின் முன்னோட்ட காட்சிகளையும் விளம்பர காட்சிகளையும் பார்த்தபோது விக்ரம் கொடுத்த காசுக்கு மேல நடிச்சு நம்மை கொல்லப்போகிறார் என்று நினைத்து போனால் நம்மை ரொம்பவே வியக்க வைத்து விட்டார், அநியாயத்திற்கு அடக்கி வாசித்திருக்கிறார், அளவான நடிப்பு. வழக்கமாக இது வரை தமிழ் திரைபடத்தில்  மன வளர்ச்சி குன்றியவர்களாக நடித்தவர்கள் யாரையும் ஞாபகப்படுத்தவில்லை, பிரமாதம். அவரை விட அவரின் குழந்தையாக வரும் சிறுமி அசத்தி இருக்கிறார். அனுஷ்காவும், சந்தானமும் வியாபாரத்திற்காக இணைத்தவர்கள் என்று நன்றாகவே தெரிகிறது இருப்பினும் நன்றாகவே நடித்து இருக்கிறார்கள். இடைச் சொருகலான அனுஷ்காவிற்கு கொடுக்கப் பட்ட பாடலை தவிர்த்து பார்த்தால் பாடல்களும் பின்னணி இசையும்  அருமை. படத்திற்கு தேவை இல்லை என்பதை தவிர்த்து பார்த்தால், இந்தப் பாடலும் அருமையாகவே படமாக்கப்பட்டுள்ளது,

 தெய்வத் திருமகளை பார்ப்பதற்கு முன் 2  ஆஸ்கார் விருதை  வென்றிருக்கும்  SEAN PENNன் நடிப்பில் ஆங்கிலத்தில் வந்த I AM SAM  படத்தையும் பார்க்க சொனார்கள் சில நண்பர்கள். I AM SAM  படத்தின் சில காட்சிகளை இணையத்தில் பார்த்தேன், அப்பட்டமான திருட்டு என்று குற்றம் சாட்டுபவர்களின் கூற்று உண்மை போல தான் தெரிகிறது. ஆனால் நல்ல இலக்கியங்களை மற்ற மொழிகளில் இருந்து மொழி மாற்றம் செய்வதை தொன்று தொட்டே செய்து  இருகின்றார்கள் ஏன் திரை படங்களில் மட்டும் மற்ற மொழிப் படங்களை தமிழில் எடுக்கும் போது திருட்டு என்ற குற்றச்சாட்டுகிறார்கள்.   வெளிப்படையாக இயக்குனர்களோ நடிகர்களோ தழுவி எடுக்கப் பட்ட கதை என்பதை  ஒத்துக்கொள்ளாததற்கு இது ஒரு காரணமாக இருக்குமோ? சில வருடங்களுக்கு  முன்பு ராம்கோபால்வர்மாவின் சர்கார் படம் பார்த்தபோது படத்தின் ஆரம்பத்திலேயே அவர் காட்பாதர் கதை தான் இந்த படம் எடுக்க  தூண்டியதாக  முன்னுரை செய்து இருப்பார் இதுபோன்ற துணிச்சல் தமிழ் இயக்குனர்களுக்கு இல்லாதது தான் இதற்க்கு காரணம் என்று நினைக்க தோன்றுகிறது.

இந்தப் படத்தின் கதையை இயக்குனர் விஜய், விக்ரமிற்கு  எப்படி விளக்கி இருப்பார்,   ஏன் என்றால் இது ஒரு THIN LINE STORY,  SEAN  PENN நடித்த IAMSAM  திரைப்படத்தை  போட்டு காண்பித்து  இருப்பாரோ? அப்படியானால் இது விஜயின் படம் என்று சொல்வதை விட
SEANPENN ன் தெய்வத் திருமகள் என்று கூறுவது பொருத்தமாக இருக்கும் என்றே நினைக்கிறேன்.

கேரளா கபே சென்ற வருடம் மலையாளத்தில் வெளியான ஒரு தொகுப்பு படம், சிறுகதை தொகுப்பை புத்தகமாக படித்திருப்போம் அதை திரையில் பார்ப்பது புது வித அனுபவமாக இருக்கும். இந்த படத்தை ரஞ்சித் தயாரித்து 10 இயக்குனர்கள் தங்களது படைப்புக்களை வழங்கி இருக்கிறார்கள் அவர்கள் முறையே லால் ஜோஸ், சாஜி கைலாஷ், அன்வர் ரஷீத், ஷ்யாமா பிரசாத், உன்னி கிருஷ்ணன், ரேவதி, அஞ்சலி மேனன், பத்ம குமார், சங்கர் ராமகிருஷ்னன், உதய் ஆனந்தன். இந்த தனித்தன்மை வாய்ந்த திரைப்படத்தில் ஏறக்குறைய மலையாள திரையுலகே நடித்து இருக்கிறது (மோகன்லால், ஜெயராமை தவிர).

கேரளா கபே ஒரு ரயில்வே உனவு விடுதி, இந்த படத்தில் வரும் 10 கதைகளின் களங்களும் வெவ்வேறானவை ஆனால் அவைகளை தொடர்புபடுத்தும் களமாக இந்த கேரளா கபே இருக்கிறது, படத்தின் இறுதி காட்சி அதாவது 11 வது கதை போல,  தொகுக்கும் இடமாக அனைத்து கதாபாத்திரங்களையும் கேரளா கபேயில் ஒருங்கிணைத்து முடித்திருக்கிறார்கள். 

NOSTALGIA 

இயக்குனர் பத்ம குமாரால் இயக்கப்பட்ட படம், இதில் திலிப், நவ்யா நாயர் முக்கிய கதாபாத்திரங்களை ஏற்று நடித்துள்ளனர். திலிப் NRI இந்தியராக தாய் நாட்டை ஏங்கி தவிப்பராக  நடித்து இருக்கிறார். இந்த குறும்படம் பதிப்பை ஏற்படுத்தும் வகையில் இல்லை. சுமார் ரகம் தான். கதா பாத்திரங்கள் இயல்பாக நடித்திருகின்றனர்.

ISLAND EXPRESS

இயக்குனர் ஷங்கர் ராம கிருஷ்ணன் இயக்கி பிரித்திவிராஜ் முக்கிய வேடம் ஏற்று நடித்திருக்கிறார். இந்த படம் ஒரு ரயில் விபத்தை மையமாக வைத்து எடுக்கப்பட்டிருகிறது, விபத்தில் இறந்தவர்களுக்கு அஞ்சலி செலுத்த வருபவர்களையும் அவர்களின் நினைவுகளையும் சுற்றி வருகிறது இந்த குறும்படம்.

 LALITHAM HIRANMAYAM  

ஷாஜி கைலாஷ் இயக்கிய இதில் சுரேஷ் கோபி, ஜோதிர் மயி மற்றும் தான்யா முக்கிய பாத்திரம் ஏற்று நடித்துள்ளனர். இது ஒரு மனிதனின் திருமனத்திற்கு பின்னால் தொடரும் ஒரு காதலையும் அவனது இறப்பிற்கு பின் இருவருக்கும் ஏற்படும் ஒரு பந்தத்தையும் பற்றி சொல்கிறது இந்த குறும்படம். 

 MRITUNJAYAM

இந்த குறும்படம் உதய் ஆனந்தினால் இயக்கப்பட்டு பாஹத், திலகன், ரீமா முக்கிய முக்கிய கதாபாத்திரங்களை  எடுத்து நடித்துள்ளனர். இது திகில் வகையை சார்ந்த படம், ஒரு பழைய வீட்டையும் அதில் ஏற்படும் சில சம்பவங்களையும் வைத்து படம் எடுக்கப்படிருக்கிறது, படம் எடுக்கப்பட்ட விதம் நன்றாக அமைந்திருகிறது.

HAPPY JOURNEY

இந்த குறும்படம் அஞ்சலி மேனன் இயக்கியது, ஜகதி ஸ்ரீகுமார், நித்யா மேனன் முக்கிய பாத்திரம் ஏற்று நடித்து இருக்கின்றனர். இது ஒரு பயணத்தின் போது ஒரு நபரின் எரிச்சல் ஊட்டக்கூடிய பேச்சினை கட்டுபடுத்த தான் ஒரு தீவிரவாதி என்றும் இந்த பேருந்தை வெடிக்க செய்யப்போவதாகவும் கூறி அந்த நபரை பயமுறுத்துவதாக அமைந்திருக்கும் ஒரு நகைச்சுவை கலந்த படம். உண்மையில் நன்றாகவே இருக்கிறது.

 AVIRAMAM

உன்னி கிரிஷ்ணனால் இயக்கப்பட்டு சித்திக், ஷ்வேதாவால் நடிக்கப்பட்டது. இது ஒரு மனிதன் பொருளாதார நிலைமை காரணமாக தற்கொலை பண்ணிக்கொள்ள எண்ணுவதும் முடிவில் அன்பு, பாசம் அவனை எப்படி தன்னம்பிக்கை பெறச்செய்து தற்கொலை எண்ணம் கைவிட செய்கிறது என்பதே கதை. இதில் சிறப்பம்சம் நடிப்பு.

OFF SEASON

இது ஒரு நகைச்சுவை கதை. இது ஒரு போர்சுகீஸ் தம்பதியும், பயன வழிகாட்டியை பற்றியது. ஷ்யாமா பிரசாதால் இயக்கப்பட்டு சுராஜ் நடித்தது. கோவளம் கடற்கரை கதை களமாக இருக்கிறது. 

BRIDGE 

ஒரு அனாதையாக்கப்பட்ட ஒரு பூனை குட்டியையும், ஒரு மூதாட்டியையும் இணைத்து பின்னப்பட்ட கதை, அன்வர் ரஷீதால் இயக்கப்பட்டு கல்பனா, சலீம் குமார் மற்றும் சிலரால் நடிக்கப்பட்டது. பூனை குட்டியை இழந்த சிறுவனின் நடிப்பு அருமை.

 MAKAL  

நடிகை ரேவதியால் இயக்கப்பட்டது, ஒரு ஏழை தமிழ் குடும்பத்தில் பிறந்த ஒரு சிறுமி தத்தெடுக்கும் ஒரு தம்பதி மூலம் தத்தெடுக்கப்பட்டு சிகப்பு விளக்கு பகுதிக்கு விற்கப்படுவதே கதை கரு. கதை பழையதாக இருந்தாலும் நடிப்பும், களமும்,  காட்சி அமைப்பும் நன்றாகவே உள்ளது.

 PURAM KAAZHCHAKAL

லால் ஜோசால் இயக்கப்பட்ட இந்த படத்தில் மம்மூடியும், ஸ்ரீனிவாசனும் நடிதிருக்கின்றனர் , வெகு இயல்பான நடிப்பு, ஒரு துக்க நிகழ்ச்சிக்கு பயனப்படும் ஒரு பயணியும் அவன் துரிதமாக செல்லவேண்டிய அவசரத்தில் எரிச்சலில் அவனின் செயல்கள் சக பயணிகள் அவன் பால் வெறுப்பை காட்டுவதுமாக கதை செல்கிறது இறுதியில் அவன் நிலை கண்டு பயணிகள் இறக்கப்படுவதுமாக கதை முடிகிறது. மனிதாபிமானத்தை மையமாக கொண்டு எடுக்கப்பட்ட படம். 

கேரளா கபே உண்மையில் நல்லதொரு முயற்சி, சிறுகதை ரசிகர்களுக்கு விருந்தாக அமையும் படம்.