Posts Tagged ‘Best picture’

OSCAR 2014 – கிராவிட்டி ( GRAVITY )

Posted: பிப்ரவரி 26, 2014 in ஆஸ்கார் 2014
குறிச்சொற்கள்:, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

Gravity

ஆஸ்கரில் 10 விருதுகளுக்கு பரிந்துரைக்கப்பட்டிருக்கும் கிராவிட்டி, இதுவரை வந்திருக்கும் முப்பரிமான படங்களில் தவிர்க்கமுடியாத ஒரு படம், ஆங்கிலத்தில் டெக்னிக்கல் எக்ஸ்சலன்ஸ் என்ற சொல்லுக்கு தகுதியான இந்த வருட ஹாலிவுட்டின் ப்லாக் பஸ்டர் படம். ஏற்கனவே ஆஸ்கர் படங்களில் ஆல் இஸ் லாஸ்ட் என்ற படத்தில் ஒரே ஒரு கதாபாத்திரத்தை வைத்து எடுத்த படத்தை பற்றி பார்த்தோம், இது அந்த வரிசையில் இரண்டு கதாபாத்திரங்களை மட்டுமே வைத்து எடுக்கப்பட்டிருக்கும் படம்.

சர்வதேச விண்வெளி நிலையத்தில் தங்கியிருந்து ஆராய்ச்சி மற்றும் பராமரிப்புப் பணிகளை மேற்கொள்ளும் விண்வெளி வீரர்கள் எதிர்பாராத விதமாக விண்வெளிக் கழிவுகள் எற்படுத்தும்  விபத்தினால் அவர்களின் விண்வெளி ஓடம் பழுதடைந்துவிடுகிறது. இதன் காரணமாய் சர்வதேச விண்வெளி நிலையம் மற்றும் அருகில் பல  கிலோமீட்டர்கள் தொலைவில் உள்ள சீனாவின் சர்வதேச விண்வெளி நிலையம் உட்பட  பாழாகின்றன. புதிதாக வேலைக்கு சேர்ந்திருக்கும் படத்தின் நாயகி ரேயான் (சாந்த்ரா புல்லக்) தவிர மற்றவர்கள் அனைவரும் இறந்து விடுகின்னர். தான் வந்த விண்கலமும், பூமியைத் தொடர்பு கொள்ளத் தேவையான தொலைத்தொடர்பு சாதனங்களும் சேதமாகியிருக்க, செய்வதறியாது உயிர் வாழ வேண்டும் என்ற உந்துதலில் போராடி, ஒரு கட்டத்தில்  தற்கொலை முயற்சிக்கும் முயன்று பின்னர் கடின போராட்டத்திற்குப்பின் இறுதியில் பூமிக்குத் திரும்பி வருகிறார் கதாநாயகி

Sandra-Bulluck

இப்படத்தை சாதாரண வடிவில் அதாவது முப்பரிமான படமாக பார்க்காவிடில் வெகு சாதாரணமாகவெ தோன்றும், ஆதலால் பதிவிறக்கம் செய்து பார்ப்பவர்கள் தயவுசெய்து இப்படத்தை திரையரங்கில் சென்று பார்ப்பது நல்லது. கதையை ஒருவரியில் சாதாரணமாக சொல்லிவிடலாம். ஆனால், கதையின் கட்டமைப்பு, கலைவடிவம் தான் பிரமிப்பு. வானம் சுழல்வது போன்ற காட்சி, நம்மை நோக்கி ஓர் சிறிய கல் வருவதுபோல் தோன்ற, அருகே வரவர கல் ஒரு மனிதனாக மாறி காட்சியளிக்கிறது. இருக்கையின் நுனிக்கே வரவழைத்துவிடும் முதல்காட்சியின் பிரம்மாண்டம். இதுபோல படத்தில் பல காட்சிகள்.

சிறந்த திரைப்படம் ( Best Picture)

சிறந்த கதாநாயகி ( Best Actress in a Leading Role )

சிறந்த படப்பதிவு ( Best Cinematography )

சிறந்த இயக்கம் ( Best Direction )

சிறந்த படத்தொகுப்பு ( Best editing )

சிறந்த பாடல் (best original score )

சிறந்த கலை ( Best Production Design )

சிறந்த ஒலித்தொகுப்பு ( Best Sound Editing )

சிறந்த ஒலி சேர்ப்பு ( Best Sound Mixing )

சிறந்த விஸ்வல் எபக்ட்ஸ் ( Best Visual Effects ) என்ற 10 பிரிவுகளில் ஆஸ்கரில் பரிந்துரைக்கப்பட்டிருக்கும் கிராவிட்டி படம் விஸ்வல் எபக்ட்ஸ், கலை போன்ற பிரிவுகளில் விருதுகளை வெல்ல அதிக வாய்ப்பு இருக்கிறது. மற்றபடி சிறந்த படம், கதாநாயகி, படப்பதிவு பிரிவுகளில் கடுமையான போட்டியைக் கொடுக்கும் என்று நம்புகிறேன்.

OSCAR 2014 – நெப்ராஸ்கா ( NEBRASKA )

Posted: பிப்ரவரி 21, 2014 in ஆஸ்கார் 2014
குறிச்சொற்கள்:, , , , , , , , , , , , , , , , , , , , , , , , , , , , , , , , , , , , , , , , , , , , ,

Nebraska

6 ஆஸ்கர் பரிந்துரைகளில் உள்ள நெப்ராஸ்கா திரைப்படம், ஒரு அப்பாவும் மகனும் மேற்கொள்ளும் ஒரு பயணக்கதை (Road Trip).

மோண்டனா என்ற நகரத்தில் வசிக்கும் கிரன்ட் வுட்டி, கேட் தம்பதிகளுக்கு ரோஸ் மற்றும் டேவிட் என்ற 2 மகன்கள். கிரன்ட் வுட்டி Dementia  என்ற வியாதியால் முதிய பருவத்திற்கே உரிய மறதி, சோர்வாக இயங்குவது போன்ற கோலாறுகளால் பீடிக்கப்பட்டிருந்தார், இந்நிலையில் அவருக்கு ஒரு மில்லியன் டாலர் பரிசாக விழுந்திருக்கிறது என்று நெப்ராஸ்கா புறப்படுகிறார். ஆனால் குடும்பத்தில் உள்ள அனைவருக்கும் தெரியும் இது ஒரு புத்தக விற்பனையாளர் தனது புத்தகத்தின் ஆண்டு சந்தா விற்பனைக்கான வியாபார தந்திரத்திற்க்காக கையாளும் ஒரு வகை யுத்தியென்று. கிரன்ட் வுட்டி குடும்பத்தினர் சொல்வதை நம்ப மறுக்கிறார், ஆதலால் அவருடைய மகன் டேவிட் அவரை தனியே பயணிக்க விடுவதற்கு மனமில்லாமல் அவருடன் பயணிக்கிறான்.

நெப்ராஸ்கா போகும் வழியில் வுட்டி மற்றும் கேட்டின் சொந்த ஊரான லிங்கன் என்ற ஊரில் தங்குகின்றனர், கேட்டும் நடுவில் வந்து இனைந்து கொள்கிறார். அங்கு அவரது உறவினர்கள் மற்றும் பழைய நண்பர்களையும் சந்திக்கிறார், துரதிர்ஷ்ட வசமாக எல்லோரும் வுட்டிக்கு உண்மையில் பரிசு விழுந்து இருப்பதாக நினைத்து பரிசுத் தொகையில் அவர்களுக்கு கொஞ்சம் கொடுத்து உதுவுமாறு கேட்கின்றனர். டேவிட் உண்மையை எடுத்துக் கூறியும் யாரும் நம்பவில்லை, இதனால் சில சண்டை சச்சரவுகளையும் சந்திக்கிறான். ஒரு தருணத்தில் மற்றவர்கள் உண்மையை உணர்ந்து வுட்டியை கேலி செய்கின்றனர்.

இப்படியாக பயணத்தைத் தொடர்ந்து பரிசுத்தொகை இல்லை என்று முதியவர் வுட்டிக்கு தெரியவருகிறது, ஆனால் மில்லியன் டாலர் பணம் கிடைக்கும் அதை வைத்து ஒரு பிக்-அப் ட்ரக் மற்றும் தான் தொலைத்த ஒரு ஏர் கம்ப்ரசர் வாங்கவேண்டும் என்ற வுட்டியின் கனவு தகராமல் இருக்க வேண்டும் என்பதற்காக தன் மகிழுந்தை விற்று மகன் டேவிட் அவற்றை வாங்கி தருகிறான். வுட்டியினால் பிக்-அப் ட்ரக் ஓட்ட சட்டப்படி தகுதி இல்லாத போதும் லிங்கன் நகர்பகுதியை நெருங்கும் போது வுட்டியை ட்ரக்கை ஓட்ட செய்து அவ்வூர் மக்கள் வியந்து வுட்டியை பார்க்கும்படியாக கதை முடிகிறது.

எந்த வித படோடபமும் இல்லாமல் ஹாலிவுட் படம் போலல்லாமல் ஒரு உலக சினிமா பார்த்த திருப்தியை கொடுகிறது படம். முதியவர் ஒருவரின் வாழ்வியலை தத்ரூபமாக நம் கண்முன் கொண்டு வருகிறது படம்.

Alexander-Payne

கருப்பு வெள்ளையில் பதிவு செய்யப்பட்டிருக்கும் இப்படம் இயக்குனர் அலெக்சான்டர் பெயனுக்கு ஆஸ்கரில் 7வது பரிந்துரை, இப்பரிந்துரைகளில் தழுவி எழுதிய திரைக்கதைக்காக 2004, 2011 ஆகிய இரு முறை வெற்றி பெற்றிருக்கிறார். மேலும் நெப்ராஸ்கா திரைப்படம், இவருடைய பிறந்த ஊரான நெப்ராஸ்காவின் பின்புலத்தில் அமைந்த 4வது திரைப்படம்.

Bruce-Dern

படத்தில் முதியவராக வரும் கதாநாயகன் ப்ருஸ் டெர்னுக்கு 2வது பரிந்துரை, முதுமையின் நிஜம் அவர் முகத்தில், நடிப்பில், பாவனையில் தெள்ளத்தெளிவாக பதிவாகியிருக்கிறது. நல்ல போட்டியை இப்பிரிவில் உள்ளவர்களுக்கு இவரின் நடிப்பு கொடுத்திருக்கிறது.

சிறந்த திரைப்படம் (Best Picture)

சிறந்த நடிகர் (Best Actor in a Leading Role)

சிறந்த துணைக் கதாநாயகி (Best Actress in a Supporting Role)

சிறந்த படப்பதிவு (Best Cinematography)

சிறந்த இயக்குனர் (Best Director)

சிறந்த திரைக்கதை ( Best Writing – Original Screenplay) ஆகிய 6 பிரிவுகளில் இப்படம் ஆஸ்கர் போட்டியியில் உள்ளது.

OSCAR 2014 – பிலோமினா ( PHILOMENA )

Posted: பிப்ரவரி 19, 2014 in ஆஸ்கார் 2014
குறிச்சொற்கள்:, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

philomena

ஆஸ்கரில் 4 பரிந்துரைகளில் உள்ள இத்திரைப்படம் மார்டின் சிக்ஸ்ஸ்மித் எழுதிய தி லாஸ்ட் சைல்ட் ஆப் பிலோமினா லீ என்ற புத்தகத்தை தழுவி பிபிசி பிலிம்சோடு இனைந்து தயாரிக்கப்பட்டது.

இங்கிலாந்தில் லேபர் கட்சியில் ஆலோசகராக இருக்கும் பத்திரிகையாளர் மார்டின் சிக்ஸ்ஸ்மித் தனது வேலையை இழந்த நிலையில், ஒரு பெண் 50 வருடங்களுக்கு முன் தனது தாய் பிலோமினாவின் குழந்தையான அந்தோனியை அவளுடைய விருப்பமில்லாமல் தத்து கொடுகப்பட்டதையும் அக்குழந்தை தற்போது எங்கிருக்கிறது என்று ஆராய்ந்து அதுபற்றி எழுதக் கோருகிறாள்.

முன்னதாக 1951ல் தாய்மையடைந்த நிலையில் பிலோமினா அயர்லாந்தில் உள்ள ஒரு ரோமன் கத்தோலிக்க காப்பகத்தில் சேர்கப்ப்பட்டு அங்கேயே மகப்பேறு அடைகிறாள். அங்கு தங்கி குழந்தைப்பெற்றதற்காக 4 வருடத்திற்கு அந்தக் காப்பகத்திலேயே தங்கியிருந்து லாண்டரி வேலைகளை செய்யுமாறு பணிக்கப்பட்டிருந்தாள். ஒரு நாளில் ஓரிரு மணிகள் மட்டுமே இவளைப் போன்றப் பெண்கள் தங்கள் குழந்தைகளுடன் இருக்க அனுமதிக்கப்பட்டனர். அக்காப்பகத்தின் குழந்தைகள் பல தாய்களின் விருப்பத்திற்க்கு மாறாக தத்து கொடுகப்படுகின்றனர். பிலோமீனாவின் குழந்தை அந்தோனியும் இப்படி தத்து கொடுக்கப்படுகிறான்.

இவ்வாறு முன்கதை இருக்க, தற்போது சிக்ஸ்ஸ்மித்தும், பிலோமீனாவும் காப்பகத்திற்க்கு சென்று குழந்தையைப் பற்றி விசாரிக்க, பிலோமீனா குழந்தை தத்து கொடுத்த விவரத்தையும் அவளின் குழந்தை பற்றிய எந்த விவரத்தையும் கேட்க மாட்டேன் என்று கையொப்பமிட்டு கொடுத்திருப்பதால் அது பற்றி விசாரிக்க வேண்டாம் என்றும் மற்றபடி பழைய கோப்புகள் யாவும் ஒரு தீ விபத்தில் அழிந்து விட்டதால் அவர்களுக்கு உதவமுடியாது என்றும் காப்பக முதன்மை அதிகாரி கூறுகிறார். ஆனால் காப்பகத்தில் உள்ள குழந்தைகள் பல அமெரிக்க வாழ் மக்களுக்கு தத்து கொடுக்கப்பட்டிருப்பது சிக்ஸ்ஸ்மித்துக்கு தெரியவர, அவரும் பிலோமீனாவும் அமெரிக்காவிற்கு பயணிக்கின்றனர். அங்கு அந்தோணி அமெரிக்க ஜனாதிபதி ரீகனுக்கும், ஜார்ஜ் புஷ்சுக்கும் ஆலோசகராக மைக்கேல் என்ற பெயரில் வாழ்ந்து இறந்து போய்விட்டதை அறிகின்றனர்.

மனம் நொந்த நிலையில் பிலோமீனா, தன் மகன் எப்போதாவது தனது தாய் மற்றும் பிறந்த மண்ணை நினைத்து பார்த்தானா என்பதை அறிய மீண்டும் மைக்கேல் என்ற அந்தோனியின் உறவினர்கள், நண்பர்களை சந்திக்கிறாள். பல தடைகளுக்குப் பிறகு பிலோமீனாவிற்கு, அந்தோனி அயர்லாந்து சென்று காப்பகத்தில் தன் தாய் பற்றி விசாரித்து அங்கு தான் ஒரு கைவிடப்பட்ட குழந்தை என்று அவர்கள் கூறியதைத் தொடர்ந்து தான் இறந்தபிறகு அந்த காப்பகத்திலேயே தன்னை புதைக்கவேண்டுமென்ற அவரது விருப்பம் நிறைவேறியதையும் அறிகிறாள்.

படத்தின் இறுதியில் சிக்ஸ்ஸ்மித்தும், பிலோமீனாவும் காப்பகத்திற்க்கு சென்று அந்தோணியின் கல்லறையில் அஞ்சலி செலுத்துகிறார்கள். முன்னதாக சிக்ஸ்ஸ்மித்திடம் இக்கதையை எழுத்து வடிவில் புத்தகமாக வெளியிட வேண்டாம் என்று சொன்ன பிலோமீனா, காப்பகத்தில் நடந்த கொடுமைகள் எல்லோருக்கும் தெரியவேண்டும் ஆதலால் புத்தகத்தை வெளியிட அனுமதிக்கிறேன் என்று கூறுவதாக கதை முடிகிறது.

கதையில் மார்டின் சிக்ஸ்ஸ்மித் கதாபாத்திரம் நாத்திகக் கருத்துகள், பருவத்தில் வரும் காமக்கிளர்ச்சி பற்றியும் பிலோமினாவுடன் பகிரும் விவாதக்காட்சிகள் ரசிக்கும்படியாக இருக்கிறது.

judi-dench

ஜேம்ஸ்பாண்ட் படங்களில் M  கதாபாத்திரத்தில் நடித்து நமக்கு பரிட்சயமான ஜூடி டெஞ்ச் இப்படத்தின் கதாநாயகியாக ஒரு தாயின் உள்ளக்குமுறல்களை வெளிக் கொணர்ந்து செம்மையாக நடித்திருக்கிறார். இவருக்கு இப்படத்தின் மூலம் ஆஸ்கர் விருது வெல்வதில் வாய்ப்பு உள்ளது, இருப்பினும் ப்ளூ ஜாஸ்மின் கதாநாயகி கேட் ப்ளான்சட், மெரில் ஸ்ட்ரிப் ஆகியவர்களுடன் கடுமையான போட்டியை சந்திப்பார்.

சிறந்த திரைப்படம் (Best Picture)

சிறந்த கதாநாயகி  (Best Actress in a Leading Role)

சிறந்த இசை (Best Original Score)

சிறந்த தழுவி எழுதப்பட்ட திரைக்கதை (Best Adapted Screenplay) என்ற 4 பிரிவுகளில் ஆஸ்கரின் பரிந்துரையில் உள்ளது.

ஆஸ்கரில் 5 பரிந்துரைகளில் உள்ள ஹெர் திரைப்படம் ஒரு விஞ்யானக்(sci-fiction) காதல் கதை

3bf2e981

தியோடர் டவாம்பலி  தனிமையான யாருடனும் நெருங்கிப் பழகாத ஒரு மனிதன். உணர்வுகளை சரியாக பகிர்ந்து கொள்ள முடியாதவர்களுக்கென்று அவர்கள் சார்பாக கடிதம் எழுதும் பணியில் ஹேன்ட்ரிட்டன்.காம் எனும் நிறுவனத்தில் பனிபுரிந்து கொண்டிருகின்றான். விவாகரத்தை எதிர்கொண்டிருக்கும் தியோடர் கனினியில் ஆர்டிபிசியல்  இன்டெலிஜென்ஸ் தொழில் நுட்பத்தில் மனிதனைப் போல சிந்திக்கவும் செயல்படவும் திறன் கொண்ட ஒரு ஆபரேடிங் சிஸ்டத்தை வாங்குகிறான். முதலில் அதை உபயோகிக்க ஆரம்பிக்கும்போது கணினி சில கேள்விகளை அவனிடம் கேட்கிறது அதற்கு பதிலளித்து தனது ஆபரேடிங் சிஸ்டத்துக்கு ஒரு பெண்ணின் குரலையும் சமந்தா என்ற பெயரையும் தேர்வு செய்கிறான்.

தானே சிந்தித்து செயல்படும் சமந்தாவின் அருகாமை தியோடருக்கு இதமாக அமைகிறது. பெரும்பாலான பொழுதை சமந்தாவிடமே கழிக்கிறான்.  நல்ல ஆலோசனைகளையும்,  அவனுடைய சிறப்பம்சங்களையும் எடுத்துக்கூறி அவனை குதூகளிக்க வைக்கிறது மேலும்  தியோடருக்கு தெரியாமலே அவன் எழுதிய கடிதங்களின் தொகுப்பை புத்தகமாக போட உதவுகிறது. ஒரு தருணத்தில் சமந்தா தியோடரை காதலிப்பதாக கூறுகிறது. தியோடரும் சமந்தாவும் கற்பனையாக ஒரு வாழ்கையை வாழ ஆரம்பிகிறார்கள்.

கருத்தரிக்க முடியாத பெண்களுக்கு வாடகைத் தாய் இருப்பார்களே அது போல, உடல் இல்லாத தனக்கு ஒரு வாடகை உடம்பை தேர்வு செய்து தன் உணர்வுகளைப் பகிர்ந்து தியோடரிடம் உடலுறவு கொள்ள ஆசைப்படும் சமந்தா ஒரு பெண்ணின் துனையை நாடுகிறது, வலைதளம் போன்ற ஒரு அமைப்பில் இயங்குவதால் இதை சாத்தியமாகுகிறது சமந்தா. இசபெல்லா என்ற பெண்ணின் விருப்பத்தோடு தன் உணர்வுகளை அவளுள் புகுத்தி அவருடன் உடலுறவு கொள்ள செய்கிறது. ஆனால் தியோடருக்கு இசபெல்லாவை சமந்தாவாக என்ன இயலவில்லை இதில் அவர்களுக்கிடையில் சில கருத்துவேறுபாடு வருகிறது . இப்படி போய்க்கொண்டிருக்கும் போது தியோடருக்கு சமந்தா மற்ற பலருடனும் தன்னிடம் பழகுவது போல பழகுகிறாள் என்று தெரியவருகிறது. ஒரு கட்டத்தில் சமந்தா மனிதர்களின் எண்ணங்கள் உணர்வுகள் தங்களைப் போன்ற ஆபரேடிங் சிஸ்டங்களுக்கு  ஈடு கொடுக்க முடியவில்லை ஆதலால் நாங்கள் உங்களை விட்டுப் போகிறோம் என்று கூறி தியோடரை விட்டு பிரிகிறது.

உண்மையில் இது ஒரு நவீன விஞ்யான கதையாக இருந்த போதும் ஒரு இயந்திரம் அதுவும் ஸ்பீல்பெர்க் படமான ஆர்டிபிசியல்  இன்டெலிஜென்சில் உள்ளது போல மனித உருவ ரோபாக்களாகக் கூட இல்லாமல் வெறும் கணினித் திரையையும், கணினியின் குரலையும் வைத்து உணர்வு பூர்வமாக ஒரு பெண்ணை பார்வையாளரான நமக்கு உணர வைக்க முயல்கிறது கதை.

விந்தையாக இருந்தாலும் நம்மில் பலர் கனவுகளிலேயே வாழ்க்கை நடத்தும்போது இது ஒன்றும் நடக்க முடியாத ஒன்று என்று கூருவதற்க்கில்லை. மனதோடுப் பேசி வாழும் மனிதனுக்கு பதில் இயந்திரத்தோடு பேசி வாழ்வது போல சித்தரிக்கப்பட்டிருக்கிறது

கிலேடியேட்டரில் வில்லனாக நடித்து நமக்கு ஏற்கனவே பரிட்சயமான  ஜாக்கின் பீனிக்ஸ் மட்டுமே பெரும்பாலும் திரையை ஆக்ரமிக்கிறார், அவ்வப்போது அவரை சுற்றி சிலர் (ஆமி ஆதம்ஸ் உட்பட) வந்து போகின்றனர் படத்தில் தியோடர், சமந்தாவுடன் டேட்டிங் போகும் காட்சி கொஞ்சம் சிரிப்பை வரவழைத்தாலும் நல்ல ரசனையான காதல் காட்சியாகவும் இருக்கிறது.

nominados-oscar-2014

சிறந்தத் திரைப்படம் (Best Picture)

சிறந்த இசை (Best Achievement in Music-Original Score)

சிறந்த பாடல் (Best Achievement in Music-Original Song)

சிறந்த கலை (Best Achievement in Production Design)

சிறந்த திரைக்கதை (Best  Writing in Original Screenplay)  என்று 5 பரிந்துரைகளில் உள்ள இப்படம் எல்லாப் பிரிவுகளிலும் கடுமையான போட்டியைச் சந்திக்கும் என்றே நினைக்கிறேன்.

OSCAR 2014 – 12 இயர்ஸ் எ ஸ்லேவ் ( 12 YEARS A SLAVE )

Posted: பிப்ரவரி 11, 2014 in ஆஸ்கார் 2014
குறிச்சொற்கள்:, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

12-years-a-slave

1853ல் சாலமன் நார்த்தப் என்ற சுதந்திர கருப்பின அமெரிக்கரை கடத்தி அவரை அடிமையாக விற்றபிறகு அவருக்கு நிகழ்ந்த கொடுமைகளில் இருந்து மீண்டு வருவது தான் 12 இயர்ஸ் எ ஸ்லேவ்ஸ். இது நார்த்தப்பிற்கு  உண்மையில் நடந்த சம்பவங்களை அடிப்படையாக கொண்டு எடுக்கப்பட்டது.

நியூயார்க்கில் வசிக்கும் சாலமன் நார்த்தப் ஒரு சுதந்திர கருப்பின அமெரிக்கர், திறமையான வயலின் இசை வித்தகரான நார்த்தப்பை நயவஞ்சகமாக பேசி 2 வார இசை நிகழ்ச்சிக்காக இருவர் அழைத்துச்சென்று குடிக்க வைத்து தன்னிலை மறந்த நிலையில் அவரை அடிமையாக விற்று விடுகின்றனர். கடுமையான அடி உதை சித்திரவதைக்கு பிறகு அவரின் பெயரை பிளாட் என்று மாற்றி நியூ ஓர்லியன்ஸ் நகரத்தில் தச்சு வேலை செய்வதற்காக விற்கப்படுகிறான், தன் கடுமையான உழைப்பின் மூலம் அவருக்கு பிடித்த வயலின் ஒன்றை பரிசாகப் பெரும் அளவிற்கு எஜமானரின் நன்மதிப்பை பெறுகிறார் நார்த்தப். அங்கு அவரின் மேலதிகாரியுடன் நிகழும் ஒரு பிரச்சினையினால் அங்கிருந்து பருத்திக்காடு வைத்திருக்கும் ஒருவருக்கு அடிமையாகிறான். ஒவ்வொரு அடிமையும் குறைந்தபட்சம் 200 பவுண்டு பருத்தியை பரிக்கவேன்டும், இல்லையெனில் கசையடி சித்திரவதை தான். அங்கு பேட்சி என்ற தினமும் 500  பவுண்டு பருத்தியை பறிக்குமளவிற்கு கடுமையான உழைப்பாளியான மற்றொரு அடிமையை சந்திக்கிறான். பேட்சியை அவரது எஜமானன் ஆசை நாயகியாக வைத்திருப்பதையறிந்து அவரது மனைவி அவளை துன்புருத்துகிறாள். இதனால் பல தொல்லைகளுக்கு ஆளாக நேரிடுகிறது பேட்சிக்கு, கடுமையான தருணங்களில் நார்த்தப், பேட்சிக்கு துணையாக இருக்கிறார். இப்படியாக அடிமை வாழ்க்கையில் 12  வருடங்களை கடந்த நிலையில் ஒரு கன்னடிய தச்சரின் உதவியால் நியூயார்க்கில் உள்ள சாலமன் நார்த்தப்பின் நண்பர் கடிதம் மூலம் வரவழைக்கப்பட்டு சுதந்திர மனிதனாவதே கதை.

ஆண்டுக்கு ஆண்டு பலதரப்பட்ட கறுப்பின அடிமைகளின் கதைகளை பார்திருப்பதால் சற்று சலிப்பு ஏற்பட்டாலும் ஆஸ்கரின் 9 பிரிவுகளில் பரிந்துரைக்கப்பட்டிருக்கும் இப்படம், நல்ல திரைக்கதையுடன், விறுவிறுப்பாக, உணர்ச்சியைத் தூண்டக்கூடியதாக அமைந்திருக்கிறது.

Bradpit

பிராட் பிட், மற்றும் இயக்குனர் ஸ்டீவ் மெக்யூனைச் சேர்த்து 7 தயாரிப்பாளர்கள் கொண்ட இப்படம் சிறந்த தயாரிப்புகான விருதுப் பரிந்துரையில் உள்ளது. தயாரிப்புடன் நார்த்தப்பை காப்பாற்ற உதவும் கன்னடிய தச்சராக ஒரு சிறிய கதாபாத்திரத்தில் நடித்துள்ளர் பிராட்பிட். பிராட்பிட்டுக்கு ஆஸ்கரில் இது 5வது பரிந்துரை, இதுவரை ஒரு முறை கூட இவருக்கு வெற்றி கிட்டவில்லை என்பது பரிதாபகரமானது.

steve-mcqueen

தயாரிப்பைச் சேர்த்து இயக்குனருக்காகவும் இப்படத்தின் மூலம் ஸ்டீவ் மெக்யூன் பரிந்துரைக்கப்பட்டிருகிறார்.

ejiofer

2012 படம் மூலம் நமக்கு நல்ல பரிட்சயமான இப்படத்தின் கதாநாயகன் ச்சீவெட்டல் எஜியோபர் இப்படத்தின் மூலம் தனது ஆஸ்கர் பயணத்தை தொடர்ந்திருக்கிறார். க்ரிஸ்ட்டியன் பேல் மற்றும் மேத்யூ மெக்காணகே இவருக்கு கடுமையான போட்டியைக் கொடுப்பார்கள் என நினைக்கிறன்.

fassbender

எஜியோபர் போல துணைக்கதாநாயகனாக வரும் மைக்கேல் பாஸ்பென்டேருக்கும் இது முதல் பரிந்துரை. தி வுல்ப் ஆப் வால் ஸ்ட்ரீட் படத்தில் நடித்த ஜோனா ஹில் மற்றும் டாலஸ் பையர் க்ளப்பில் நடித்திருக்கும் ஜேரெட் லேட்டோவையும் பார்க்கும்போது இவருக்கு இப்பிரிவில் விருது கிடைப்பது கடினம் தான்.

lupito

துணைக் கதாநாயகியாக வரும் லூபிடோ நியாங்கோவிற்கு விருது வெல்லும் வாய்ப்பு நிறைய இருப்பதாகவே தோன்றுகிறது, இருப்பினும் அமெரிக்கன் ஹஸ்ஷல் படத்தில் தோன்றும் ஜெனிபர் லாரான்சை இவர் சமாளிக்க வேண்டி இருக்கும்.

சிறந்த படம் (Best Picture)

சிறந்த இயக்குனர் (Best Direction)

சிறந்த நடிகர் (Actor in a Leading Role)

சிறந்த துணைக் கதாநாயகன் (Actor in a Supporting Role)

சிறந்த துணைக் கதாநாயகி (Actress in a Supporting Role)

சிறந்த படத்தொகுப்பு (Best Editing)

சிறந்த ஆடை வடிவமைப்பு (Best Costume Design)

சிறந்த கலை (Best Production Design)

சிறந்த தழுவி எழுதிய திரைக்கதை (Writing Adapted Screenplay) என்று 9 பிரிவுகளில் பரிந்துரைக்கப்பட்டிருக்கிறது 12 இயர்ஸ் எ ஸ்லேவ்.

இந்தத் தலைமுறை அமெரிக்கர்களைப் பொருத்தவரை தம் முன்னோர்கள் கறுப்பினத்தவர்களுக்கு இழைத்த கொடுமைகளை உணர்வுபூர்வமாக அணுகுகிறார்கள். ஆதலால் அடிமை முறையச் சார்ந்து எடுக்கப்படும் படங்களுக்கு எப்பொழுதும் நல்ல வரவேற்ப்பு இருக்கிறது. இந்தப் படமும் வணிகரீதியில் நல்ல வெற்றியைப் பெற்றிருக்கிறது, விருதுகளைப் பொறுத்தவரையிலும் இதே நிலை தான். ஆதலால் இந்த வருட ஆஸ்கரில் இப்படமும் சில விருதுகளை வெல்லும் என்று நம்பப்படுகிறது.

OSCAR 2014 – டாலஸ் பையர்ஸ் கிளப் ( DALLAS BUYERS CLUB )

Posted: பிப்ரவரி 7, 2014 in ஆஸ்கார் 2014
குறிச்சொற்கள்:, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

dallas-buyers-club

அமெரிக்க நகரம் டாலசில், 1985ல் கதை ஆரம்பமாகிறது. மின்னியல் நிபுனனான(electrician) கதையின் நாயகன் ரான் வூட்ரூப் கேளிக்கைகளிலும், போதை வஸ்துக்களை உபயோகிப்பதிலும், உடலுறவு கொள்வதிலும் ஆர்வம கொன்டவனாக பொழுதுபோக்கிற்காக காளையை அடக்கும் விளையாட்டில் கலந்து கொள்பவனாகவும் வாழ்ந்து கொண்டிருக்கும்போது ஒரு நாள் வேலையில் ஏற்படும் ஒரு சிறு விபத்தின் காரணமாக மருத்துவமனைக்கு செல்ல நேரிடுகிறது. அங்கு அவனுக்கு HIV  தாக்கி இருப்பது தெரியவருகிறது முதலில் இதை நம்ப மறுக்கும் இவன் போகப் போக உண்மையை உணர்கிறான்.

மருத்துவர்கள் 30 நாட்களில் அவன் இறந்து விடுவான் என்று சொல்லி இருக்க, மருந்துகளை தேடி அலைகிறான், ஆனால் அப்போதைக்கு ஆராய்ச்சியில் இருந்த AZT மருந்துகள் விற்பனைக்கு இல்லாத நிலையில் அம்மருந்துகளை பரிசோதித்துக் கொண்டிருக்கும் இடங்களில் இருந்து கள்ளத்தனமாக வாங்கி உபயோகிக்கிறான். தொடர்ந்து அம்மருந்துகள் கிடைக்காத நிலையில் மெக்ஸிகோவிற்கு சென்று டாக்டர் வாஸ் என்பவரை சந்தித்து அவர் மூலம் HIVயின் தாக்குதலின் தீவரத்தில் இருந்து தப்பிக்கவும், உடலின் ப்ரோட்டீன் குறைபடை போக்கவும், உயிர்ச்சத்துக்காகவும் ஒரு கலவையாக மருந்துகளை பெறுகிறான், மேலும் அவர் மூலம் AZT மருந்துகள் HIVயை குறைக்க பயன்படுவதில்லை என அறிகிறான்.

டாக்டர் வாஸ் பரிந்துரைத்த மருந்துகள் அமெரிக்காவின் மருத்துவ கழகமான FDA வால் அங்கீகரிக்கப்படாததால் அம்மருந்துகளை வாங்கவோ, விற்கவோ முடியாத நிலை, அதனால் மெக்ஸிகோவில் இருந்து தன் உபயோகத்திற்க்கு என்று வூட்ரூப் வாங்கி வந்த மருந்துகளை மற்ற HIV பாதிக்கப்பட்டவர்களுக்கு கொடுத்து உதவ முடியாத நிலைக்கு ஆளாகிறான். இருப்பினும் மருத்துவமனையில் தனக்கு பரிட்சயமான ரேயான் என்ற திருநங்கை மூலமாக சில HIV நோயாளிகளுக்கு தன்னிடம் உள்ள மருந்துகளை கொஞ்சம் லாபம் வைத்து விற்று அதன் மூலம் மீண்டும் மீண்டும் மருந்துகளை சட்ட விரோதமாக அமெரிக்காவிற்கு எடுத்து வருகிறான்.

சட்ட ரீதியாக மருந்துகளை விற்கமுடியாததால் டாலஸ் பையர்ஸ் கிளப் என்ற அமைப்பை தோற்றுவித்து உறுப்பினர் கட்டணமாக 400 டாலர்களை வசூலித்து உறுப்பினர்களுக்கு அதன் மூலம் இலவச மருந்துகளை கொடுக்கிறான். டாலஸ் கிளப் என்ற அமைப்பு சட்ட சிக்கல்களையும், வழக்குகளையும் சந்திக்கிறது. முடிவில் 30 நாட்கள் மட்டுமே உயிர் வாழ முடியும் என்று அவரை பரிசோதித்த முதல் மருத்துவரின் கூற்றை பொய்யாக்கி 2557 நாட்களுக்கு மேலாக அதாவது 7வருடங்களுக்கும் மேலாக போராடி வாழ்ந்து மற்ற நோயாளிகளின் ஆயுளையும் நீட்டித்த ஒருவனின் கதை தான் டாலஸ் பையர்ஸ் கிளப்.

சிறந்த படம் (Best Picture)

சிறந்த கதாநாயகன் (Best Actor in a Leading Role)

சிறந்த துணைக் கதாநாயகன் (Best Actor in a Supporting Role)

சிறந்த படத்தொகுப்பு (Best Editing)

சிறந்த முக மற்றும் சிகையலங்காரம் (Makeup and Hair Styling)

சிறந்த திரைக்கதை (Writing Original Screenplay) என்று 6 பிரிவுகளில் டாலஸ் பையர்ஸ் கிளப் ஆஸ்கரின் பரிந்துரைகளில் உள்ளது.

matthew-mcconaughey

சிறந்த கதாநாயகன் பிரிவில் ஆஸ்காரின் பரிந்துரையில் உள்ள இப்படத்தின் கதாநாயகன் மேத்யூ மெக்கானி AIDS நோயாளியாக 47 பவுண்டுகளை குறைத்து நடிப்பிலும் அசத்தி, தயாரிப்பிலும் உதவி இருக்கிறார்  மெக்கானி. இவர்  இப்படத்திற்காக GOLDEN GLOBE AWARDSல் சிறந்த நடிகர் விருதை ஏற்கனவே பெற்றிருப்பது குறிப்பிடத்தக்கது. ஆஸ்கரைப் பொறுத்தவரையில் க்ரிஸ்டியன் பேல் மற்றும் டிகாப்ரியோவுடன் பலத்த போட்டி இருப்பினும் இவருக்கு இவ்விருது கிடைப்பதற்கு அதிகபட்ச வாய்ப்பு இருப்பதாகாவே தெரிகிறது.

jared-leto

சிறந்த துணை கதாநாயகன் பிரிவில் ஆஸ்காரின் பரிந்துரையில் உள்ள திருநங்கையாக வரும் ஜெராட் லேட்டோ , தம் உடல் எடையில் 30 பவுண்டுகளைக் குறைத்து உண்மையான AIDS தாக்கிய திருநங்கையாகவே காட்சி அளிக்கிறார். இவர் 5 ஆண்டுகளுக்கு பிறகு இப்படத்தின் மூலம் தன் நடிப்புப் பயணத்தை தொடர்ந்து இருக்கிறார். தி வுல்ப் ஆப் வால் ஸ்ட்ரீட் படத்தில் நடித்திருக்கும் ஜோனா ஹில், லேட்டோவிற்கு கடுமையான போட்டியைக் கொடுப்பார் என நம்புகிறேன்.

மற்றபடி இப்படம் சிறந்த திரைப்பபடம் பிரிவில் அமெரிக்கன் ஹஸ்ஸல் மற்றும் 12 இயர்ஸ் ஆப் ஸ்லேவ் படத்திற்கும் இடையே கடுமையான போட்டியை சந்திக்கும், ஆனாலும் இப்படத்திற்கு வெற்றிவாய்ப்பு அதிகம் என்றே தோன்றுகிறது.

OSCAR 2014 – அமெரிக்கன் ஹஸ்ஷல் ( AMERICAN HUSTLE )

Posted: பிப்ரவரி 5, 2014 in ஆஸ்கார் 2014
குறிச்சொற்கள்:, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

AMERICAN-HUSTLE

10 விருதுகளுக்கு பரிந்துரையில் உள்ள அமெரிக்கன் ஹஸ்ஷல் மிகுந்த எதிர்பார்ப்பில் ஆஸ்காரை எதிர் நோக்கியிருக்கும் திரைப்படம், 1970களின் இறுதியில் அமெரிக்காவில் நிகழ்ந்த FBIன் ABSCAM என்று வர்ணிக்கப்படும் ஒரு நிகழ்வை அடிப்படையாக கொண்டு பின்னப்பட்ட ஒரு கற்பனைக் கதை. பேட்மேன் படங்களில் நடித்த க்ரிஸ்டியன் பேல் இந்த படத்தில் கதா நாயகனாகவும் ப்ராட்லி கூப்பர் துணைக் கதாநாயகன் வேடத்திலும், ஆமி ஆதம்ஸ் கதாநாயகியாகவும், ஜெனிபர் லாரன்ஸ் துணைக் கதாநாயகியாகவும் நடித்திருக்கிறார்கள். இந்த 4 பேர்களும் ஆஸ்கார் பரிந்துரைகளில் தத்தம் பிரிவுகளில் உள்ளவர்கள் என்பது குறிப்பிடதக்கது.

இர்விங் மோசடிகளில் ஈடுபடும் ஒரு ஏமாற்றுப் பேர்வழி, அவனுடைய மோசடி வேலைக்கு துணையாக சிட்னி என்ற பெண்ணும் இருக்க, ரிச்சர்ட் என்ற FBI உளவாளியிடம் ஒரு முறை இவர்கள் சிக்க நேரிடுகிறது. குற்றத்தில் இருந்து தப்பிக்க ரிச்சர்டுக்கு மேலும் சில குற்றவாளிகளை பிடிப்பதில் உதவி புரிவதான உத்திரவாதம் கொடுக்கின்றனர், இந்த ஒப்பந்தத்தில் சிட்னிக்கு விருப்பம் இல்லாத போதும் இர்விங்குக்கு உதவும் பொருட்டு ரிச்சர்டிடம் நெருக்கமாய் பழுகுகிறாள். அரப் சேக் ஒருவரை முதலீட்டாளர் என்று நகரின் மேயர் ஒருவரை நம்பவைத்து அவர் மூலம் சில அரசியல்வாதிகளையும், நிழல் உலக குற்றவாளிகளையும் பிடிக்க தன் வலையில் வீழ்த்துகிறான் இர்விங். கதையின் போக்கில் இர்விங்கின் மனைவி நிழல் உலகை சார்ந்த ஒருவரிடம் நெருக்கமாகி இர்விங்கின் FBI தொடர்பு பற்றி பேச, ஆனால் தனது சாதூர்யத்தால் அவர்களிடம் இருந்து தப்பி, முடிவில் பணப் பரிமாற்றங்களை வீடியோவில் பதிவு செய்வதற்காக 2  மில்லியன் டாலர்களை FBIயிடம் இருந்து இர்விங் ரிச்சர்ட் மூலம் பெற்று, அது எப்படி FBIயிடம் இருந்து களவாடப்படுகிறது என்பது தான் கதை.

பெருத்த எதிர்பார்ப்பில் இருக்கும் அமெரிக்கன் ஹஸ்ஷல் திரைப்படம் குற்றம், நகைச்சுவை, நாடகம் என்ற வகைகளின் மூலம் திரைக்கதை அமைக்கப்பட்டிருக்கிறது. இப்படத்தின் வெற்றிக்கு படத்தின் கதாபாத்திர தேர்வு மிக முக்கியப் பங்கு என்பதில் மாற்றுக் கருத்து இல்லை. முக்கியப் பாத்திரங்களில் வருபவர்கள் யாவரும் தம் பணியை செவ்வனே செய்து  இருக்கிறார்கள்.

CHRISTIAN-BALE

க்ரிஸ்டியன் பேலை முதலில் அணுகும போது அவர் நேரமின்மை காரணமாக இப்படத்தை தவிர்த்திருக்கிறார் அதனால் கதா நாயகனாக ப்ராட்லி கூப்பரை முடிவு செய்திருந்தனர் ஆனால் பின்னர் பேல் தானே கதாநாயகனாக நடிக்கிறேன் என்று இப்படத்திற்கு முன்னுரிமை கொடுத்து நடித்தார். பேல் இப்படத்திற்காக 40 பவுண்டு எடையைக் கூட்டி இருக்கிறார், ஆனால் இது இவருக்கு முதல் முறை இல்லை, இது போல இவர் நடித்த மெசினிஸ்ட்(2004) படத்திற்காக 63 பவுண்டுகளையும், ரெஸ்க்யூ டான்(2006) படத்திற்காக 55 பவுண்டுகளையும், தி பைட்டர்(2010) படத்திற்காக  30 பவுண்டுகளையும் குறைத்து இருக்கிறார்.

க்ரிஸ்டியன் பேல் ஏற்கனவே இதே இயக்குனரின் படமான தி பைட்டர்(2010) படத்திற்காக சிறந்த துணைக் கதாநாயகன் விருது வென்றவர் என்பது குறிப்பிடத்தக்கது, இப்படம் இவருக்கு இரண்டாவது பரிந்துரை, படப்பிடிப்பின் போது கதையில் நிழல் உலக மாபியாவாக வரும் ராபர்ட் டீ நீரோ, க்ரிஸ்டியன் பேல் யாரென்று தெரியாமல் இயக்குனரிடம் கேட்க்கும் அளவிற்கு பேல் அந்த கதாபாத்திரத்திற்காக உடல் எடையை கூட்டி கதாபாத்திரமாகவே மாறி இருந்தார்.

AMY-ADAMS

கதாநாயகியான ஆமி ஆதம்சுக்கு இது ஆஸ்காரில் 5வது பரிந்துரை, இதுவரை இவருக்கு விருது கிடைக்கவில்லை இம்முறை இவருக்கு அதிர்ஷ்டம் இருக்குமா என தெரியவில்லை, காரணம் இவருக்கு பலத்த போட்டியாக மெரில் ஸ்ட்ரிப்பும், கேட் ப்லன்கட்டும் இருப்பதே

COOPER

துணைக் கதாநாயகன் வேடத்தில் தோன்றும் ப்ராட்லி கூப்பருக்கு இது 2வது பரிந்துரை, இதே இயக்குனரின் சில்வர் லைனிங் ப்லே புக் படம் மூலம் முன்பு  சிறந்த கதாநாயகனுக்காண பரிந்துரை செய்யப்பட்டிருந்தது.

JENNIFER-LAWRENCE

இப்படத்தின் மூலம் ஆஸ்காரில் சிறந்த துணைக்கதாநாயகியாக பரிந்துரைக்கப்பட்ட ஜெனிபர் லாரன்ஸ் ஏற்கனவே இதே இயக்குனரின் படமான சில்வர் லைனிங் ப்லே புக் படம் மூலம் சிறந்த கதாநாயகி விருது வென்றவர். இது இவருக்கு மூன்றாவது பரிந்துரை

RUSSEL

இப்படத்தின் இயக்குனர் டேவிட் ரசல் தொடர்ந்து இரண்டாவது முறையாக அவர் இயக்கிய படத்தின் முக்கிய கதாபாத்திரங்கள் யாவற்றிற்கும் ஆஸ்கார் பரிந்துரை செய்யப்பட்டிருக்கிறது. மேலும் அவருக்கும் சிறந்த இயக்குனராக 3வது முறையாக அவருடைய கடைசி 3 படங்களுக்காக  பரிந்துரையை பெற்று இருக்கிறார் {சில்வர் லைனிங் ப்லே புக்(2011), தி பைட்டர்(2013) மற்றும் அமெரிக்கன் ஹஸ்ஷல்(2014)}.  மேலும் இவர் தழுவி எழுதிய திரைக்கதை பிரிவிற்கு  சில்வர் லைனிங் ப்லே புக்(2011) படம் மூலம் பரிந்துரை செய்யப்பட்டும் இருக்கிறார். அமெரிக்கன் ஹஸ்ஷல் படம் மூலம் முதல் முறையாக சிறந்த திரைக்கதை (original screenplay) பிரிவில் பரிந்துரை செய்யப்பட்டு இருக்கிறார்

2010ல் அமெரிக்கன் புல்ஷிட் என்ற இத்திரைக்கதை வெளிவராத நல்ல திரைக்கதையாக 8வது இடத்தில் ஹாலிவுட் ப்ளாக் லிஸ்டில் இருந்தது, இப்படத்தின் பல காட்சிகள் படப்பிடிப்பு தளத்தில் இம்ப்ரவைஸ் சைய்யப்பட்டிருக்கிறது.

இது தவிர சிறந்த படம் (Best Picture), ஆடை வடிவமைப்பு (Costume design), படத்தொகுப்பு (Editing), திரைக்கதை (original screenplay), கலையமைப்பு (Production Design) என்ற பிரிவுகளிலும் இப்படம் ஆஸ்காருக்காக  பரிந்துரைக்கப்பட்டிருக்கிறது.